Мінімарафон па стварэнні нашых улюбёных саламяных павукоў

Саламяныя павукі

13 студзеня
20:00 гадзін па Беларусі
14 студзеня
13:00 гадзін па Беларусі

Онлайн

За данаты ці шчыры дзякуй

Робім традыцыйныя ўпрыгожванні і абярэгі разам!

Давайце прысвяцім два дні чароўнай беларускай традыцыі - рабіць саламяных павукоў. Яны не толькі вельмі прыгожыя, але і абараняюць прастору ад кепскага

Як пачаць плесці павукоў?

Па гэтай спасылцы вы зможаце далучыцца ў пэўны час да занятку онлайн з нашымі майстрыхамі. А пакуль вы чакаеце, зірніце, што мы назбіралі пра гэтую традыцыю

Што за павукі?

Адныя лічаць саламяных павукоў упрыгожваннем на Каляды і Вялікдзень, але ў традыцыі павукоў вешалі пад столь на цэлы год, каб усё злое заблытвалася ў іх і не псавала жыцця людзям. Павук пад столлю вісіць, круціцца, як жывая істота, якая ахоўвае дом і тых, хто ў ім. Таму раз на год гэтыя саламяныя канструкцыі спальвалі і вешалі новага. Рабілі павукоў як самымі простымі, так і сапраўднымі творамі мастацтва.

Што для гэтага трэба?

Калі вы бярэцеся за пляценне павукоў упершыню, то добра пасуюць папяровыя кактэльныя трубачкі - яны шырэйшыя і не такія далікатныя, як салома. Для разумення механікі ідэальна. Таксама папера пасуе, калі вы маеце на думцы вялікія дэкаратыўныя праекты. Салома ў павуку - сімвал дабрабыту. То як хочаце па-класіцы, тады шукайце салому (дзе ўзяць - напісана ў карысных спасылках).

Традыцыйная медытацыя

Беларускі і беларусы медытавалі раней, чым да нас прыйшло гэтае слова. Галоўнае - разабрацца, як рабіць першы модуль, а потым проста паўтараць дзеянне, пакуль у вас ні збярэцца чароўны павук усім на захапленне і вам на абарону. Пляценне павука супакойвае і нітуе нас з традыцыямі продкаў. Заварыце сабе зёлак, пастаўце прыемную музыку і адпачніце за гэтай гаючай справай.

Дзве чароўныя майстрыхі правядуць для вас онлайнавыя майстар-класы, каб дапамагчы разабрацца з тэхнікай пляцення павукоў, і падзеляцца сваімі ведамі гэтай традыцыі

Валерыя Шкода

Актуалізуе традыцыю саламяных павукоў у выглядзе завушніц, цацак на ялінкі і хатняга дэкору

Год таму, на Каляды у лагеры бежанцаў з Украіны ў Валерыі нарадзіліся папяровыя павучкі і выцягнулі яе з зацяжной дэпрэсіі і вялікай хваробы. Яна з дзецьмі ў эміграцыі ўжо тры гады. Яе павукі разляцеліся па ўсім свеце, і Валерыя марыць таксама вандраваць, як яны. Валерыя правядзе свой занятак 14 студзеня.

Падзякаваць яе данатам можна будзе па Бліку +48733378748, pay pal @valeryshkoda. А на старонцы ў інстаграме lelechka_rudik - прыдбаць яе творы.

Ірына Новік

Журналістка, рэдактарка, але найперш - беларуска.

Традыцыйнымі рамёствамі Ірына захапляецца ад дзяцінства. Многае з таго, што ўмелі рабіць беларускія жанчыны таксама ўмее - шые, вяжа, вышывае, лямцуе, робіць лялек, спрабуе асвойваць кераміку і ткацтва. З саломай пачала працаваць толькі летась. Бо проста ў сэрцайка пацэлілі беларускія павукі. Спыняцца не збіраецца: "Ручная праца - гэта мая медытацыя, псіхатэрапія і проста асалода". Ірына правядзе свой занятак 13 студзеня.

Ірына вядзе свой канал "Цёця Іра", дзе распавядае і паказвае, якія традыцыйныя беларускія дзівосы можна зрабіць сваімі рукамі.

Карысныя спасылкі

Набыць салому

Па ўсім свеце

У Польшчы

Альтэрнатыва саломе

Запісаныя заняткі

Павук пірамідальны

Павук рамбічны

Цікавае пра традыцыю

Жывая культура

Пра розных павукоў

Вершык пра саламяняга павука